Bakıda sərnişin avtobusu betonqarışdıran avtomobillə toqquşub

Bu gün səhər saatlarında Bakının Binəqədi şossesində yol nəqliyyat hadisəsi baş verib. Bu barədə Bakı Nəqliyyat Agentliyindən bildirilib. Məlumata görə, “Manella MMC”nin müvəqqəti istismarındakı 108 A saylı müntəzəm marşrut xətti üzrə hərəkət edən 10 TG 635 Dövlət Qeydiyyat Nişanlı sərnişin avtobusu betonqarışdıran avtomobillə toqquşub. Hadisə ilə bağlı Agentlik araşdırma aparır. Qurumun əməkdaşları hadisə yerinə yollanıb. “Manella"nın rəhbəri Qurbanəli İsmayılov Agentliyə çağırılıb.