Erməni siyasətçidən SENSASİON AÇIQLAMA: "Paşinyan Əliyevin tapşırıqlarını icra edir"

“Bu gün həqiqətən çətin vəziyyətdəyik, çünki cəmiyyətimiz ən sadə şeyi dərk edə bilmir. Yəni bu gün köhnə və yeni, yaxşı və ya pis heç nəyi ayırd etmək olmur. İndi dövlətçiliyimizi qorumaq, azad edilmiş əraziləri geri qaytarmaq, ləyaqətimizi bərpa etmək problemimiz var. Bu gün millətimizin var olub-olmaması gündəmdə durur. Artsax problemini bizim xeyrimizə həll etmək üçün ciddi işlər dayanır qarşımızda”. Bu sözləri ölkədəki vəziyyətdən, xarici və daxili təhdidlərdən danışan “Erməni Milli Cəbhəsi” təşkilatının sədri, hərbi xadim Qorq Qorqyan “Fakt” nəşrinə müsahibəsində bildirib. “Nikol Paşinyan və komandası erməni xalqının və erməni dövlətçiliyinin zərər görməsi üçün sifariş və tapşırıqları yerinə yetirmək üçün hakimiyyətə gəldi” Q.Qorqyan deyib ki, ölkədə yalnız siyasi sahədə deyil, eləcə də milli ideologiyada da böhran yaşanır. Dövlətimiz əsas təməllərin mədəniyyət və təhsildə olacağı milli bir ideologiya formalaşdıra bilmədi. Odur ki, bu gün kifayət qədər alçaldılmış vəziyyətdəyik. Eyni zamanda daxili siyasətdən xarici siyasətə qədər bir çox problemimiz var. Ancaq əsas problem aşağıdakılardır. Əgər milli dövlət əleyhinə olan qüvvələr dövlətçiliyinizlə məşğuldursa, ölkənizin gücü, millətin sağ qalması sual altında olacaq. Məlumdur ki, belə bir şəraitdə dövlətçiliyimizin, millətimizin xeyrinə fəaliyyət göstərilməyəcək. Söhbət qlobal geosiyasi məsələlərdən tutmuş iqtisadi, təhsil və sairədək hər cür çətinlikdən gedir. Ümumiyyətlə, yalnız türklərin maraqlarına xidmət edən qüvvələri kənarlaşdırdıqdan və ədalətli mühakimə etdikdən sonra içərimizdə möhkəm qala bilərik və xarici çağırışlara qarşı ləyaqətlə mübarizə edə bilərik”. Qorq Qorqyan bir sıra təhlükələrə diqqət çəkib. “Bu gün ölkəmizdə türk köməkçiləri var. İlham Əliyev strategiyanı müəyyənləşdirib, Nikol isə icra edir. Bakıdan hansı təlimatları alırlarsa, burada həmin tapşırıqlar yerinə yetirilir. Bu gün Türkiyə və Azərbaycan Nikolun yeganə dəstəkçisidir. Bu da təsadüfi deyil. Ümumiyyətlə, erməni xalqının tarixində misli görünməmiş bir şey baş verir. Ermənistan hökumətini Türkiyə və Azərbaycan dəstəkləyir, onun komandasının qalmasında bu iki ölkənin siyasi rəhbərliyi çox maraqlıdır. Yadınızdadır, Nikol Paşinyan İlham Əliyevlə görüşündə operativ əlaqədə olmaq üçün səylərindən danışmışdı. Məhz operativ əlaqələr yaratmaqla dövlətçiliyimizi məhv edirlər. Bu hökumət erməni xalqına və erməni dövlətçiliyinə ziyan vurmaq üçün gəldikləri üçün getmək istəmir. İşlərini çox yaxşı bacarırlar, ona görə də kreslolarından ayrılmaq istəmirlər. Amma arxayın olmasınlar. Nikolun vəzifəsindən uzaqlaşdırılması yaxın günlərin işidir. Komandasının kifayət qədər ciddi problemi olacaq. Nikol öz ətrafını da aldadacaq. Özlərini fərqli partiyalar və qüvvələr vasitəsi ilə çoxaltmağa çalışsalar da, əminəm ki, xalqımızın şüurlu hissəsi bunun qarşısını almaq üçün əlindən gələni edəcək, çünki bu dağıdıcı dövrdə hər kəsin məsuliyyəti var. Bu hökumət ölkəmizi bütün yollarla məhv etdi” Erməni siyasətçi hökümətin siyasətinə toxunaraq bildirib ki, hələ 2018-ci ildən etibarən dövlət qurumları nüfuzdan salınıb “Başlanğıcda qurumlar şəxslər tərəfindən nüfuzdan salındı, sonra bütün dövlət qurumları çökdürülməyə başladı. Tarix, dil və milli ideologiya bütün təhsil sisteminə – erməni dilinə zərbə vurmağa başladı. Bunun əvəzinə xalqın həyatına əxlaqsız şeyləri itələməyə çalışdılar. Nəticədə qarışıqlıq var. Həm siyasi, həm də iqtisadi xaosumuz var. Belə xaoslar idarəolunmazdır. Ermənistanda təhlükəli olan Qlobalizm cərəyanı hökm sürür. Bu isə vətənpərvərliyin tam əksidir. Bunlar bu qloballaşmanın tərəfdarlarıdır. Ancaq kiçik ölkəmizə, dövlətçiliyimizə milli ideologiya ilə güc qata bilərik. Yalnız o zaman əhali güclü olacaq və yalnız o zaman beynəlxalq siyasi arenada güclü bir yerə sahib ola bilərik. Ancaq qısa müddətdə bütün bunların qarşısını almaqla milli dövlət yaratmaq niyyətimizi gerçəkləşdirə bilərik. Buna çox əminəm. Birgə ayağa qalxsaq, konkret, məqsədyönlü və sistemli iş halında yenidən güclü bir dövlətçiliyimiz, pozitiv, güclü və ləyaqətli bir cəmiyyətimiz olacaq. Ümidimiz həmişə Allaha və milli birliyimizə olub”.\KONKRET.az